دينا محمود الغريب تكتب: يا أم الشهيد

يا أم الشهيد افرحى ابنك ضحى بروحة عشان يحمينا رفع صوته بكل شجاعة وقال عايزين حقوقنا اللى لينا هتفضل صورته محفورة فى قلوبنا وده أبسط حقوقه علينا ولو حقوقنا رجعت لنا يبقى هو السبب وهتبقى بفضله علينا كل واحد فينا أب ليه وكل واحد أم ليه وكلنا قلوبنا علليه حزينة.

مات عشان حاجات ما قدرناش نطلبها من زمان ومن خوفنا من اللى سرقونا جرينا لكن هو وقف وبأعلى صوت قال عايزين من حقوقنا وبإيده حقق أمانينا قال للظالم قوم إرحل وقال للفاسد من الميدان مش هنرحل غير لما تعملوا شىء يرضينا أبنك حقق مطالبنا ومشى اللى نهبنا وجمعا وجابنا وصحى ضميرنا فينا.

فكر اللى ناسى وحنن اللى كان قاسى وقال لهم ده بلدنا ومش هتعلى غير بايدينا ولو عيشنا هنلاقى بكرة جو نضيف والفقير يلاقى الرغيف ولو متنا كفاية الناس هتفتكر أسامينا وفعلاً لما مات كان قلوبنا هى اللى ماتت ودموعنا نزلت وحدها وكلنا عليه بكينا ابنك ضحى بعمرة عشان الشعب يعيش وعشان هو صح اتعاطف معاه الجيش ومسك بلدنا لغاية ما يسلمها لإيد أمينة مقدرين حزنك عليه. وعارفين قد إيه موته جرح قلبك زى الشخص المدبوح ومدبوح كمان بسكينة بس فرحة كل واحد كان محتاج حقوقه والفضل يرجع ليه لإن أحنا كتير من الظالم اشتكينا وكل إيد دلوقتى ى مصر بتترفع تحمد ربها الأول وكفاية أن كلنا فى سجودنا ليه دعينا.