فيسبوك
واتساب
لا تقولى مسلم أو مسيحى..
دا قتيلى ودا جريحى..
لو بتشكوا م الآلام..
اتجمعوا وانضموا ريحى..
اسألوا الأخ عماد..
سنين طويلة فى البلاد..
شركا ف حياة وف كل زاد..
وهشام ومينا الولاد..
ما سمعنا حد قال سؤال..
هل إنت مسلم أم مسيحى؟..
إنت مصرى شربت نيل..
حفظت أصلك ألف جيل..
يوم عبورنا للقناة..
صنت أرضك م الغزاة..
ما سمعنا حد قال سؤال..
هل انت مسلم أم مسيحى؟ ..
ولما ثرنا ع الطغاة..
ووقفنا صف فى الميدان..
نادى المؤذن للصلاة..
كبرنا مع صوت الأدان..
جاب المسيحى المياه..
لوضوء أخيه فى الإيمان..
ما سمعنا حد قال سؤال..
أنت مسلم ولاّ مسيحى؟..
يا مصر يحميكِ الحمى..
لما الطبيب طلب الدما..
وقفوا الطابور يتبرعوا..
أخدوا الدماء وجمعوا..
ما سمعنا حد قال سؤال..
هل أنت مسلم أم مسيحى؟..
لا تقولى مسلم أو مسيحى..
دا قتيلى ودا جريحى..
لو بتشكوا م الآلام..
اتجمعوا وانضموا ريحى..
جوه قلبى تدوب جروحى..
وفوق جناحى شايلة نوحى..
ومصر أم الدنيا عايشة..
فى قلب مسلم أو مسيحى..
كلام جميل من بق شاعر..
يهدى قلبى وتصفى روحى..
من اسمه حتى ما حد عارف..
إن كان دا مسلم أو مسيحى.
صورة أرشيفية
