سيد أحمد الهمشرى يكتب: خلوا بالكوا

خلوا بالكم مصر غاليـــــة وأغلى من مصر مافيـــــش
راح تعيش فى قلوبنا دايما حبها لازم يعيــــــــــــــــش
لو دخل بينا الشيطــــــــان ولا رفرف فى المكــــــــان
اللى بينا هوة هـــــــــــــوة حب باقى ماينتهيـــــــــــش
......
خلوا بالكم مصر غاليـــــة واللى حبوا مصر يامــــــــا
إحنا من غيرها غلابـــــــة وإحنا من غيرها يتامـــــــة
يالا بينا نبوس إيديهـــــــــا يالا نزرع حب ليهــــــــــــا
حبها يضلل علينــــــــــــــا من هنا ليوم القيامـــــــــــــة
......
لو زعلنا منها حبــــــــــــة أو زعلنا حبتيـــــــــــــــــــن
حبها يرجعنا ليهــــــــــــــا أمنا وهانروح لميــــــــــــــن
بُكرة بستانها يزهــــــــــــر والأمل جوانا يكبـــــــــــــــر
طول ما فى قلوبنا المحبـــة راح نكون الكسبانيـــــــــــــن
......
كل جرح ولـــــــــــــه دواه هى دى سنن الحيـــــــــــــــاه
المهم نعيش حبايــــــــــــب زى ما قال الإلــــــــــــــــــه
الوداد يدينا قــــــــــــــــــوة يصحى فى القلب الأخــــــوة
ولو يهيج البحر حبـــــــــــه المحبة طوق نجـــــــــــــــــاة
......
العوازل عايزة تشمـــــــــت والعوازل غداريــــــــــــــــن
نفسهم يبقى ما بينـــــــــــــــا الفراق دنيا وديـــــــــــــــــن
نفسهم نبقى ولايــــــــــــــات نبقى دايما فى خلافـــــــــات
نفسهم مصر الكبيـــــــــــــرة تكون ولاية لبنياميــــــــــــــن
......

خلوا بالكم مصر غاليــــة خلوا مصر قصاد عنيكـوا
دافعوا عنها بكل قــــــــوة بطاقة الحب اللى فيكــــوا
بالأخوة وبالمحبــــــــــــة وبالمودة حبة حبـــــــــــة
الشجر بكرة هايطــــــرح بكرة هايضلل عليكــــــوا
......
خلوا بالكوا مصر غاليـــة وعالية فوق كل المحـــــن
مصر فيها الخير لبكـــــرة وبعده وبطول الزمـــــــن
مهما طال الليل عليهـــــــا والمحبة لسة فيهــــــــــــا
راح نلاقى الشمس طالعــة منورة أغلى وطــــــــــــن
......