رامى محمد زين يكتب: الدخل بتاعنا فين

ف بلد الفراعنة...
وبلد العجايب...
ياما دفعنا...
رسوم وضرائب...
ولا يوم سمعنا...
حد علينا جاوب....
سؤالنا وجعنا....
والحيرة فينا سايب...
ما تجاوبوا يا مسئولين...

الدخل بتاعنا فين....

ف بلد السياحة...
وبلد التاريخ...
والعوم والسباحة...
ف شرم الشيخ...
والنقل والملاحة...
ف قناة السويس...
ما تجاوبوا يا مسئولين...

الدخل بتاعنا فين...

ف بلدنا البهية...
حكومة ذكية...
وبحسن نية..
بسأل سؤال...
شوارع.. كبارى...
صرف... ومجارى..
لسة متسابة على نفس الحال...
يعنى مفيش حاجة اتصرفت...
ولا إنجاز...
طب فين فلوس تصدير الغاز...
ف بلدنا مناجم ذهب...
وحقى فيها فين ذهب...
ما تجاوبوا يا مسئولين...
الدخل بتاعنا فين...