فيسبوك
واتساب
مش مهم منين ح يبقـــى
القضية مـــاهش أمــاكـن
مش مهم كمـــان ح يبقـى
لونـــه فاتح لونـــه داكـن
مش مهـــم الاسم حتــــى
مش مهم دا كــله لكــــــن
يبقى مصرى ابن مصرى
حب مصر فى قلبه ساكن
يبقى عارف كيف يديرها
كيف يعبر عـن ضميرها
يبقـــى مستقبلها عنـــــــده
قبل مــاضيها وحـاضرها
يبقى عــايش مش لغيرهــا
يبقى مش طمعان ف خيرها
يبقـــى لـــو تحكــم يضحــى
بأغلى حاجة عشان خاطرها
يبقــى طــالــع مــن أساسها
يبقــى حــاسس نبض ناسها
يبقــــى عـــــايز يعلـى بيها
مش يجــيب الأرض راسها
يبقــى عــارف إيــه ناقصها
مين سارقها ومين حـارسها
اللــى فيه كــل الصفات دى
هو دا اللى يكــــون رئيسها
