فيسبوك
واتساب
مازال بيحلم بالشجر
وبالربيع
لكن يخاف يستطعمه
ويخاف على
طهره الوديع
يندم عليه يترحمه
فضل يدور على
حاجة بتضحك
لكنه لسة بينكسف
مــ الضحك
ولسة جد لدرجة
الأراجوز
محجوز فى عقله
احتمال الوصية
والهروب مالخطية
للى يجوز
مع إن مش كل
اللى جاز
إنجاز ولا عبقرية
لكنها بالطبع
موروثة
حبة حاجات
لساها محبوسة
فى حسبه الأيام
مازال بيحلم بالكلام
فى العلن
لكنه لسة
ما خدش على صوته
ودام مقام الرمز
فى سكوته
ومسكنات الوجع
ليوم بتخلق جدع
ولا تجيب قوته
د الفعل لو يتبدع
الفجر ما يفوته
.......
