فتحى الصومعى يكتب: الدوار ... دوار النجع اتساب مفتوح

الأحد، 16 يناير 2011 11:52 ص

صورة أرشيفية

فى الليل دخلوه مخاليق مش ناس اتربع فيه
نصاب وحرامى وكام مفضوح
أنا جيت أصرخ قطعولى لسانى قدرتش أبوح
عيال العمدة دكاتره كبار جم عالجونى
حطولى مكان الجرح جروح
لعيال أصلا والعرق يمد على إيد العمده
سكنا بيوت ملهاشى بيبان
ملهاشى حيطان ملهاش سطوح
اتعبى دماغ الخلق حفر
الغيم يعند الغيم مرضيش يجيبلنا مطر
والحرمه فـحضن راجلها خطر
والمفتى كمان خلانا نصوم ولوحده فطر طاب نشكو لمين ؟! والعمدة يا دوبك بق كلام
وفـحضن حريم الغفر ينام طاب هنقولو إيه؟!
والغفر صحاب العار ساكتين

* مدير بالشهيد عبد المنعم رياض الثانوية بسوهاج