فيسبوك
واتساب
فيه إيه حصلك يا بلادى
ليه بس تزيدى فى بعادى
يا مصر يا أرض أجدادى
ليه ما فيش مكان لأولادى
فى قلبك أنت يا بلادى
ده أنت الأم يا بلادى
ليه بقيت غريب جوا بلادى
مش لاقى أأكل أولادى
ده أنا باحبك يا بلادى
عايز أعلم أولادى
مش لاقى فرصة فى بلادى
عايز أعالج أمراضى
محتاج لعطفك يا بلادى
محتاج لحبك يا بلادى
ليه بس العند يا بلادى
والكره لأحباب وأعادى
الحقد ملاكى يا بلادى
والقتل بقه كده شىء عادى
أولاد ترابك يا بلادى
بيتحرقوا فى النار ع الهادى
ساعدى ولادك يا بلادى
ده كله مادد فى أيادى
خدى بإيدنا يا بلادى
إدينا حبك يا بلادى
إدينا عطفك يا بلادى
وساعتها الفرحة يا بلادى
هتدخل قلب أولادى
يا مصر يا أرض أجدادى
حنى علينا يا بلادى
