فيسبوك
واتساب
الكنيسة في قلب مصر
اترسم حواليها غدر
غدر قاصد قلب أمة
ضلمة تقتل أى فجر
***************
الكنيسة في حضن جامع
مش ليوم أو حتى شهر
دي السما غطت عليهم
ألف عمر وألف دهر
*****************
وانت ياخاين بتزحف
قلبك انت كله شر
لا الشيوخ صعبوا عليك
ولا حتى طفل في عمر زهر
***********
يوم ما صرخت الكنيسة
حس الجامع بقهر
والقلوب دماها سالت
وسمعت صوت -الآه- يا بحر
***********
انت مش مسلم أكيد
ولا ليك ديانة ليها عذر
انت حية جاية تلدغ
سمها.. غدر وكفر
*********
ورغم حزن النيل معانا
مش لليلة ولا شهر
جاي يومك ياللي خنت
يوم نهايتك لينا مهر
*******
وانت في جحيمك يا خاين
وانت بتدوق الأمر
قول لربك لو يسيبك
بصه واحده فوق ده نهر
*****
حسرة سودا هاتملا قلبك
صرختك هاتدوم لدهر
لما هاتلاقي الكنايس
في حضن جامع.. هيا مصر!!
كنيسة القديسين
