إعلامنا الرائع.. الذى ظهرت أهميته فى الأيام الأخيرة.. هو من صنع الفتنة.
تقولى.. إزاى ده كان بالمرصاد للى كانوا عايزين يشككو فى الوحدة الوطنية.. أنت أكيد عيل ومش فاهم.
نعم هو من صنع الفتنة.. من قبل ذلك ولن نتكلم عن ما فات سنتكلم عن الحاضر صنع الفتنة فى كنيسة القديسيين بدون أن يقصد سمعت والله أعلم أن الضحايا ذهبوا مسلمين وأقباط وكذلك المصابين ولكن تحولت برامج التوك شو على تعزية إخواننا الأقباط فقط لا لتعزية مواطنى مصر جميعا.
تعالى معايا لو سمحت نرجع الشريط تانى من الأول بس أنا هبقى المخرج بتاعه بقى المذيعة أو المذيع: حادث إرهابى مروع بمدينة الإسكندرية بين كنيسة القديسيين وجامع (معرفش اسمه الحقيقة) راح ضحيته الكثير من الأبرياء المصريين مسلمين ومسيحيين جاء ليفسد عليهم فرحتهم بالسنة الجديدة.
أنا مسمعتش المانشيت ده فى أى جريدة ولا أى قناة كله كله أقباط مصر ومسيحى مصر ونحن مع الأقباط.
طبعا نحن مع الأقباط.. بس لما يكونوا هما فعلا المستهدفين.. عزيزى القارئ مصر هى المستهدفة مسلمين ومسيحيين.
مشاركة
اضف تعليقاً واقرأ تعليقات القراء
مشاركة
