جيهان مجدى تكتب: بسأل عنه لما يغيب

صاحبى مسيحى وبدخل بيته
عمرى م حسيت إنى غريب
باكل من طبقة ومن غيطه
ودايما حاسس أنه قريب
ياما غطانى وياما غطيته
وبسأل عنه لما يغيب
عمر م حاجة توقع بينا
أولها ألاعيب الديب

عمرنا م نخاف من أفعاله
فاهمين اللعبة وحفظنها
بـ يحاول أنه يفرقنا
وعمر م راسنا فـ يوم ندفنها

لما العيب يطلع من واحد
يبقى أكيد من أهل العيب
وعشان كدة مهما يورينا
عمرنا يوم م عليه حنعيب
وإن كان على حقنا فاكرينه
طارنا حـ ناخده ومش ناسيينه
وحياة دم ولادنا الغالى
دة وعد بجد ومش ترهيب

دين الواحد فينا بـ يبان
من خوفنا جوانا على بعض ..
عايز تعرف أصل المصرى
لما بـ يوعد يوفى الوعد
قلبنا أبيض يامااا وافيينا
وبننسى القسوة مع الوقت
بس اللى حصلنا مش قسوة
دة غدر بعينه وناس متفقة
تفرق بينا طول الوقت