فيسبوك
واتساب
أنا الشعب أنت مين... غريب ولا من المصريين... يهمك حالنا ومننا... ولا واكل
مالنا وحقنا... أنا الشعب إللى قاوم الاحتلال .. أنا سعد والسادات وجمال....
أنا الشعب إللى انتصرت .. وعديت .. وف طوابير الحكومه انتظرت ... ومليت...
أنا الشعب الزعلان... الحاسس بالضياع ... ما بين وطنى وأخوان ... ودوامه
الصراع... نفسى ف برلمان يحل مشاكلى... من غير ما يتأخر... ويحافظ على
صحتى وأكلى ... ويرخص السكر... ويعمل رقابه ع الأسعار... ويكون واقف
معايا... وبحزم ياخد القرار... وما يجملش على قفايا... أنا الشعب إللى أشتكى
م الروتين... وإللى أشترى حاجة بيته كلها م الصين... أنا الشعب إللى مالى
الأستاد كمان... وإللى أرضى أتباعت ف المزاد بالمجان... وأنا إللى مالى
راح منى ما عاد... من قرض أتاخد وأتعثر السداد...أنا الشعب ومعروف
بالأسم... ولو رحت هتشوف شعار القسم... بيقول... الشرطه ف خدمه الشعب....
وده مش على طول ... ده بس ف حاله الحرب...أنا الشعب .. ونفسى يخيرونى ...
وأنا إللى أختار ... وإن مره غلطت يسامحونى ... ده ما يقع إلا الشطار.
