فيسبوك
واتساب
الأصل واحد مدام قلوبنا متجمعة
على حلم واحد ساكن بين الضلوع
والحزن عـايش والعيون متشوقة
لنـور يرجع للأمـل ضى الشموع
أنت أنا ..... دا شىء أكيد
أنت الأمل والبسمتين
وعشان تملى خطوتك
سابقه الزمن بخطوتين
وعيونك دايما تشوف المستحيل
فكرة وقلم
وحاجات كتير متبعتره وسط الزحام
واجب عليك تضمها
لحضن الأمل
ممنوع تشوف نفسك فى المرايا وهيا بتندبح
ممنوع تعيش مستنى صوت فى العتمه يقتل خطوتك
مؤمن بأن العتمه من فعل القدر
عايز يعيش عاله على كل البشر
اياك تخاف
نورك ظلام للى ضاع منه البصر
اياك تتوه زيهم
أوحتى تسأل عنهم
لو حاولوا يوم يهربوا
ويعودوا تانى بالزمن
وبكل الطرق
حسبوا نفسهم
على ناس رحلوا من زماان عننا
كان فيوم حلمهم
فارس ينور سجنهم
أتقال عليه بعد كده
فاسد وخرب أرضها
اياك تخاف ظلم البشر
وأكسر قيود الخوف وحرر أرضها
أنشر شعاع النور ينور حلمها
حر دموع الفرح من سجنها
أكتب كتاب العدل من تاني
أرسم وجوه الحب من تاني
أفتح طريق الحق من تاني
أبدر بذو الهمه من تاني
رجع عيون الخلق للسما
واياك تخاف ظلم البشر
دا أنت أنا
والأصل واحد
مدام قلوبنا أتجمعت
على حبها
