بتقول بتحب مصر … طب إزاى بتحبها
وأنت علشان الفلوس .... للموساد بعتها
ورحت أشتغلت جاسوس... وأسرارها قولتها
حُب مصر مش مجرد كلام جميل..... ولا نشيد يتقال ف وقفه طابور طويل
حُب بلدك أنك تتقدم بيها.... ومن نار عدوك تجرى وتحميها
ولا عمرك يوم تفكر تأذيها... وزى ما حافظت عليك حافظ عليها
يا إللى بقيت جاسوس... لوحدك مش بلومك
بلوم إللى خلى صوتك فيك محبوس... وطلّعك من هدومك
وإللى صدّر الغاز ليهم.... وما سبهمش يولعوا بجاز وتخرب أراضيهم
وساب النور يقطع علينا من قله الغاز.. وف طوابير سبنا أستنينا عشان أنبوبة
البوتجاز
بلوم إللى صدق السلام والمعاهده إللى معاهم... وبقاله سنين وأيام بيتعامل معاهم
وعشان كلامى يكون مفهوم... ويكون كل واحد مع التانى صادق
ما تفتكرش عشان عليهم بلوم... أكون على إللى أنت عملته موافق
صدقنى يا إللى بعتها.. أنت ما تستحملش يوم احتلال
حتى أسأل أهلها.. إللى عاشوا أيام السادات وجمال
يعنى عشان زعلان من مسئول... تقوم تقلبها حرب
وعلى أسرار بلدك تجرى تقول... وتجيب الكافيه لشعب
وإزاى بتقول بتحبها... وأنت علشان الفلوس
بعت ناسها أهلها.. ورحت اشتغلت جاسوس
يا مسئولين بلدنا اهتموا بشعبكم.. وخلى اهتمامكم محسوس
وحاسبوا لمن كتر ظلمكم... يطلع كل يومين منا جاسوس
مشاركة
اضف تعليقاً واقرأ تعليقات القراء
مشاركة
