فيسبوك
واتساب
الشر ليه جواك دفين؟ * جاى تخلِّى العيشه طين
جاى بتشعل نار وفتنه * إمتى إرهاب يبقى دين؟!
جاى تهدد ناس بريئة * جاى تخون تنصب كمين؟
مين عطاك الحق تقتـل؟ * تنسف وتدبح مظلومين
كل دين قال التسامـــح * والعطف يرعى المحرومين
مهما ريح عدت علينا * مصر مش ممكن تليــــن
مصر جامع فيــه أذان * شوف الكنيسة جرس رنين
تاريخنا يعزف لحن حب * عايشه بيه طول السنين
مركبنا ماشيه لبرأمـان * راعيها المولى من الحاقدين
قلب نابض بالمحبـــــة * مرسومة أحلام فوق الجبـين
لو شوكه جات لحد فينا * كلنا يصبح حزيــــــــــــن
العيد بيجى الكل يفرح * وف هَم واحد مجروحين
لو حب سابنا أكيد يتوه * لو سابنا حب يروح لمين؟
يا ما قبلك شر جــــــانا * شاف أسود حاميه العرين
شاف قلوب بالحب تهتف * الله محبة تقول أميـــــــن
ساب بلادنا طار بعيــــد * حَـلف وأقسم ميت يميـــن
مصر مش ممكن هتحزن * أو حتى تبكى فى يوم أنيــن
مصر الوطن والشعب واحد * حتى الوشوش متوحدين
