سامى النويهى يكتب: ألف سلامة

ألف سلامة يــــــــــا مصر عليكى
رغم مـابيا قـــــــــاتلنى مـــابيكى
عارفة أنــــا نفسى فى ايه دلوقتى
نفسى ماشوفش دمـوع ف عنيكى

ولا أشوف فيهم يــــــــوم إحباط
واوعى تخـــــــافى على الأقباط
جـــرحنــــا واحــــــد والله شاهد
واحنـــــا ليوم الدين فــــى رباط

هما إخــــواتنا واحنــا فــــــداهم
احنـــا فى نفس المحنه معــــاهم
زى مـــا عاشوا سنين فى حمانا
احنــــــا كمان بنعيش فى حماهم

وأنــــا من صغرى بسابق ريحى
كـــــان مشاركنى الدكـــه فريحى
أكـرم صاحبى اللى أنا ماعرفتش
غير فـــى الجامعه بــأنه مسيحى

عنده فـــــى بيتهم عندى فى بيتنا
كنـــــــــا بنــقسم سوى لقمتنــــــا
حب عجيب كــــــــــان يجمع بينّا
احنـــــــــا وكــــــــــل ولاد حتتنا

كنــــــا صحاب واخـوات ومازلنا
كـــانت كــــــل الــــــدور منازلنا
كــــــــان مين مسلم أو مين قبطى
دا سؤال عمره ماجه على بــــالنا

واللـــــــى جــــــرالنا دا ح يفوّقنا
ح يـــــــوحّدنا قصاد أعـــــــداءنا
يــــــــاللا نقول بــالصوت العالى
فتنة ايـــــــــــــه دى اللــى تفرّقنا

غـــــــــالية بلدنــــــــا عليه وعليا
فـــــــــى عنيه مصر ومصرعنيا
ميـــــــن راح يقــــــدر بس علينا
طول مـــــــا أخويا ايديه فى ايديا