نصر الدين محمود سالم يكتب: كنت مسافر بره وجيت

كنت مسافر بره وجيت
شفت الزحمة وبرضه رضيت
أصل هناك ف الغربة شقيت
قمت فى مره قوام وصحيت
شفت منام صحانى قوام
قمت حجزت جريت ع البيت
عشت حياتى أشوف الناس
روحت ف مره أصلى ف غيط
جانى صاحبى ف ودنى حسدنى
قلت ياربى بيضحك ليه
يمكن نعمل سوا مشروع
قاللى ف ودنى يابن الإيه
شفت شرابك مش مقطوع
سابنى وفاتنى بيضرب كف
عمال يحكى بصوت مسموع
بص وقاللى النيل سنتين
وكمان أسبوع
جاله جفاف الخير فيه خف
وماا لوش وصف
وأنته شرابك مش مقطوع
ماشى ياعم رشح نفسك
عندك بدلة وعندك عٌمله
خلينى تابع ليك انا راضى
أيوه انا ليك وأنته المتبوع
طول ما شرابك مش مقطوع
ياله ياصاحبى طلعلك صيت
كنت مسافر بره وجيت
معقول فتره اسافر بره
سبت بلادى أبيه وحره
أرجع الاقى كل الفكره
إن شرابى مش مقطوع
ياه يابلادى ياريتنى ماجيت