فيسبوك
واتساب
شعب مصر داخل امتحان
فى لجنة انتخاب البرلمان
يا ريت يا شعب المره دى يركز
وما يختارش كده والسلام
اختار اللى ف مصلحتك ويطلعك قدام
ويا ريت تكون أتعلمت م اللى حصلك زمان
وتختار رجاله بجد تمثلك فى البرلمان
مش ناس تضحك عليك وتبعلك الهوا ف برطمان
كفاياك نواب يا شعب نيّمتك على الرصيف
وسبتك جعان مش لاقى حتى الرغيف
فرصتك جايه عشان تصلح غلطة زمان
ادينى بقولك يا شعب قبل فوات الأوان
قبل ما ترجع تقول ياريت اللى جرى ما كان
