مع أنك
زى الليل بتخاف م النور
زى نجوم السما حيران
زى نسيم الأرض سكاتك
طارح غنا لكن زعلان
مع أنك .....
طب أقولك أيه
فكر تحلم
أرسم يوم قدامك شطك
أركب مركب ماشيه ف دمك
عدى بحور الليل تلاقيك
أفتح قلبك
ألعب دور أراجوز واتنطط
أضحك على كل الألاعيب
عارفك زعلان
قررت تموت
طب قولى إزاى
برصاصه
ولا ببرشام
طب أقولك أيه
فكرت تدوق سم الأوهام
يمكن تخرج بره السور
مجنون
طب أقولك أيه
فوق وأنا أفوق
نعمل هدنه ونام بسلام
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة