حاجات مرصوصة بتوازى
فى ليل قاسى صبح ناسى
لمح قلبى اللى كان ماشى
فى قلب العتمة جوه الليل
دروب الهجر مغزولة
لكن ننى بيتوضى بدمع العين
وأنا واقف بين الاتنين
بسبح للى خالقنى
ولامح من بعيد ظلى
على الجدران بيتبعنى
لكن مكسور على البنايات
وعزف الصمت فى صمتى بطعم نايات
لكن هيهات أكون تابع
لظلى فى ظل دى الآفات
خيوط الفجر بتدندن على لحنى
وصوت الصمت متوارى
ما بين غابات أحلامى
وصورة معكوسة فى المرايات
شبح إنسان
وعالم يعبد الحكام
وأنا راكع لرب الكون
وناس ساجدة لبعض الناس
يهاجمنى شعور محتاس
إله إيه ده اللى ياخده نعاس
حرام يا ناس
مفيش إحساس بيكسرنى
غير أنى أكسر الإحساس
ولما تنقضى المشاوير
الملم ضى نبراسى
ويوصل حلمى أقصى مداه
ما بين ناسى أكون ناسى
مشاركة
اضف تعليقاً واقرأ تعليقات القراء
مشاركة
