فيسبوك
واتساب
أكدب لو قلت بذاكر من كتب الوزارة
أو حتى معايا أخد دروس خصوصية
هما أوراقى وقلمى وحبارة
وبشترى كتب خارجية
عشان بتعلمنى وبلاقى فيها حاجتى
أما المدرسة فبتظلمنى وبتضيع وقتى
بروح أثبت حضور وأتجنب الغياب
والصبح أقف طابور وأحضر حصص الألعاب
ومجال زراعى وصناعى وإزاى أعمل مربه
وأحافظ على الديسك بتاعى وإزاى أركبله ضبه
أما المواد الأساسية فالعملية صعبة شوية
فبشترى كتب من بره عشان تسهلها عليا
ولما منعوا بيع الكتب الخارجية
والتجار غلوها عليا
قولت ياواد استعمل كتب الوزارة وأتهدا
وما عدتش تانى تقطعها وتفرش عليها الغدا
