يا شعب من غير عصبية ولا تفكير بسوء نية
دى حكومتك ذكية و أكيد ليها نظرية
خضارك و فاكهتك بالمجارى مروية
عشان خصوبة الأرض الزراعية
و لحمتك أسعارها نار و معدّية
عشان خايفة عليك م النقرس و الأمراض المعوية
وأسماك نافقة على المسطحات المائية
عشان تبقى فسيخ للأعياد الموسمية
و طلباتك فى الاعتصامات مفيهاش حاجة متلبية
ده نوع جديد من أنواع التربية
و تقول يا شعب مفيش مسئول بيرد عليا
زيهم زيك خطوطهم موقوفه من الموبايلات الصينية
و تقول فلوس كتير دفعتها ضريبة عقارية
الضرائب مصلحتك أولا و أسأل و زاره المالية
حتى لو على علبه السجاير مكتوب صحتك فى العلبة ديا
ما تخفش يا شعب الحكومة أكيد ليها نظرية
مشاركة
اضف تعليقاً واقرأ تعليقات القراء
مشاركة
