بص ف صورتك بالتركيز
بص ف صورتك جوا مراية
واتخيل نفسك فى البراويز
معلق بعد وفاتك ع الحيطة
زى الصورة بتاعة أبوك
ذكرى وعبرة وآية
والناس ملهية
ف دوشه وزيطة
نسيوك
أحيانا ً يفتكروك
بكلمه بسيطة
كان غالى علينا
وشخص عزيز
بص ف صورتك بالتركيز
واتخيل إنك ميت
جوا القبر ياسيدى مبيت
دا العمر يادوبك وقت وجيز
زى القطر ماشى يدوس
لا يعرف واسطه ولا تمييز
اتخيل نفسك لما سبوك
جوا القبر
زى التلميذ ف اللجنة
من غير واسطة أو تعزيز
تاريخ أعمالك هوا إجابتك
سؤال وجواب
عقاب وثواب
نهاية أكيدة لكل بداية
نهايه محتومة
ونتيجة مختومة
بعدل إلهى لكل التلاميذ
بص ف صورتك بالتركيز
وأتخيل نفسك صورة
مركونه ع الحيطة
جوا البراويز
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة