يا واد يا سيد
هتلحق تعيد
يا واد ع العيد
تلبس ولادك
لبس جديد
ولا هاتبكى
وتانى ها تشكى
لرب العباد
وبنتك سعاد
تقولك يابابا
لبس المدارس
دى أول سنه
أكون فى الهنا
زى خواتى
طه وسها
شوفو معايا
كمان اسمعو
كلام سى سيد
ياريت تفهمو
بأآلى فى شغلى
عشرين سنه
مواظب بحارب
عشان الهنا
يقرب لبيتى
أتارى آهاتى
سابقاه بسنه
تقدر تقولى
وتحسب لى
دخلى
ازاى يكفى
ولادى وامهم
ومش مهم انا
صحابى يقولو
عليا تملى
صبرى يكفى
مصر كلها
ياعم ده دخلى
يخلى المصلى
يصبح حرامى
او مرتشى
عيب اختشى
300جنيه
هايعملو ايه
ياشهر الكرم
ادعيلى ربك
يخدنى فى عفوك
اروح الترب
يقولو بيهرب
بيهرب بيهرب
إبنك يقولك
عاوز يابابا
أبسط حقوقى
وردى فى صمى
يبقى موتى
هو الفرج
امانه يازوجتى
وصيه لقرايبى
لما تشوفو
بتجرى خشبتى
مفيش حد يبكى
وقولو ده نفسه
ونالها بفرحه
فى شهر الكرم
واوعى يادنيا
تقولى فى سرك
دا مات الولد
لانى ماشفتش
غير التعب
اوعى تقولى
مين السبب
دى موتى كريمه
وحكومتى رحيمه
مش هى السبب
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة