لو مت راجل صدقونى حموت مبسوط
لو مت شهيد يبقى بقيت بالجنة مربوط
سيبونا نموت
وقفنا نصرخ حقنا بيضيع
واحنا ع الرصيف جرابيع
والجربوع حيوان موجوع
حيوان بيهرب
من أى صوت مسموع
وأنا مش جربوع
أنا ربنا كرمنى بعقل وفكر
يبقى أكافئ نعمته بجهل وكفر
حتخسروا أيه لما احنا نموت
دى دنيا فانية زايلة من وشوشكم
الجنة حانية بكفايانا جروحكم
لا عارفينكم حكومة ولا بومة بتصرخ فى وشوشنا
لا حسين بينا ولا شوفنا معاكم عزة وشرف ينصفنا
طب ما تسيبونا نموت
افتحوا باب الجهاد
باب الجنة للعباد
ولا أنتم زى الشيطان
أمالكم لينا سواد ونيران
فلسطين عراق اخواتنا وعيالنا
سيبونا نروحلهم دى الجنة جيالنا
ده أنا يوم طلبت الجهاد
صليت ودعيت رب العباد
اقبلنى يارب شهيد
ده يوم لقاك عيد
روحى حتروحلك زفاها ملايكة
على باب جنتك حسجد لرايتك
حجاور الأحبة وأملى عينى من رسول الله
حرسم بدمى كعبتك وأكتب لا إله إلا الله
بس يارب يسيبونا نموت
ازاى أعيش وأنا حاسس إن كرامتى شىء مفقود
ازاى أحس وغيرى شايفنى حيوان مكسور مربوط
يا حكومة كرهانا وأرض ضاقت علينا
سيبونا لجهادنا وفكوا الحديد من لسانا وايدينا
مشاركة
اضف تعليقاً واقرأ تعليقات القراء
مشاركة
