أيمن يحيى يكتب: مــسحــراتـى.. طول عمر جارى سترى وغطايا

الأربعاء، 01 سبتمبر 2010 11:17 ص

مسحراتى قضيت حياتى
لافف يوماتى على كل دار
أسمع كلامى وصانا طه
حسن المعامله لكل جار
ناقص ايمانه اللى جيرانه
من شره عانوا داقوا المرار
اكرم جيرانك
يكمل إيمانك
وتبقى بانى فى الخلد دار
طول عمر جارى
سترى وغطايا
وفى عز المى بيكون معايا
فى الضلمة هو شمس النهار
ابدا وصالح
جارك وسامح
رمضان دا اصله شهر التسامح والاعتذار