اليوم السابع شمس نهــار مش ممكن موقع ليها ينهار
جريدة نزيهة بفكر حديـث وحدة شعب بتبنى عمــار
جريدة حرة خادمة وطنها سبق ريادى فى الأخبــار
هدفها عروبة سلام ومحبة ومصر الغالية دا ليها شعار
حاقد عايز يطفى الشمس علشان عنده ضيق أفكـار
لو ليه حق يروح لقانــون مش يتهور يدى قـــــرار
لو فيه شئ يطلب يستفسر يلقى إجابة ومش يحتــار
حق الرد مكان مكفـــــول ونعيش بتفاهم عقل كبـار
ليه بتأذى جريدة بإيــدك؟ معاها ترخيص حق الإشهار
عايز تحجب فـكر الآخر؟! منع الفكر دا كله دمـــــار
بلدنا فيها قانون يحمـــينا من أى مخالفة فى الإصـدار
جريدة اليوم السابع واضحة شهرة بريق عبر الأقطار
لا فيها تشهير ولا فيها إغراء جريدة محترمة تدخل دار
جريدة صامدة رغم الريح مش بتخاف موج ولا إعصار
بنحيى فريقها بخالص شكر ويصونه ربى من الأخطار
ونقوله سير بنجاح وتألـق دا حب قلوبنا أحلى ثمـار
مش ممكن جبل ف يوم يتهز من لعبة سخيفة وفيها هزار
مشاركة
اضف تعليقاً واقرأ تعليقات القراء
مشاركة
