بسافر
وعافر
وهاجر كتاجر
أعيش الغربة بعيدك مرار
ألاقى الوشوش ماليها البرود
وأشوف القساوة ماليها حدود
أفكر بسرعة أرجع أعود
واحضن ترابك فى أرض المطار
بسافر
وأبعد أشوف المخاطر
ماكنش طلبى ولا ليَّا خاطر
ألاقى طريقى مغيم وماطر
أفكر بسرعة أرجع أعود
أطفى لقلبى وشوقى الشرار
بسافر واحاول أخدع فى روحى
ألاقى بتكتر فى بعدك جروحى
أحلم أحقق بعيدك طموحى
ألاقى حياتى صارت دمار
بسافر وعافر اسكن بعيدك
وأنسى عنوانك ورقمى ف بريدك
ألقى زيادة قلبى يريدك
أحلف لأرجع فى أول نهار
دا أنت الحبيبة
وأنت القريبة
نيلك وشمسك
ناسك وهمسك طيبة وعمار
بسافر
وعافر
وأزور المطارح
واضيع فى وقتى جوا المسارح
ألاقى بفكر فيكى وسارح
إمتى أرجع إليكى أعود
واحضن حبايبى وأهل الديار
بسافر
وعافر
وهاجر كتاجر
حبك فى قلبى ناحت وحافر
أعيش الغربة بعيدك مرار
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة