فيسبوك
واتساب
عم يا بتاع البدل يالى غاوى
فصّلى بدله سوده تخبى البلاوى
تكون شيك ع الموضه أصلى ناوى
أدخل الانتخابات ع الموضة الفرنساوى
عايز أترسم ع الناس الغلابة
عايزهم يشوفونى أسد الغابة
عشان يصدقونى فى أى حاجة
وألاقى على طول طلباتى مجابة
وأوزع وعود وأوزع هدايا
وساعتها أصوتهم هتبقى معايا
بس عشان تكمل الحكاية
عايزك تركز وتفتح معايا
وياريت تملالى البدلة جيوب
تكون كبيرة تخبى العيوب
تشيل الورق وتشيل الكروت
وتشيل كتير م البنك نوت
وأشيل فيها كل حاجة
حتى لو خبيت فيها حوت
أو عربية وتلاجة
ودى من أهم الشروط
وبعد كل ده لسه برضه محتاس
خلاص حقك عليا وسع شوية المقاس
