أيمن يحيى يكتب: مسحــــــراتــــى ..عايش حياتى رحال وراضى

الإثنين، 30 أغسطس 2010 10:17 ص

مسحراتى مصحصحاتى
عايش حياتى رحال وراضى
وانا الليلادى جايلك بنادى
اسمعنى تبقى مرتاح وهادى
برّك باهلك طريق نجاتك
خد منى حكمه ترتاح حياتك
اوعى تزعل أبوك وأمك
لأجل أما ترضى فى يوم مراتك
وصّانا ربك نبر بيهم
وإن مرة زعلوا نجرى عليهم
دى الجنه يا بنى ما بين أيديهم
اكسب رضاهم تسعد حياتك
أمك دى حملت شهور وشافت
الويل بسببك وياما قاست
وأبوك بيشقى لأجل أما تلقي
اللقمة سهله وتنول مرادك
أنا قولتهالك وخلى بالك
رمضان دا فرصة تبدأ حياتك
ورمــــضان كريــــــــم