فيسبوك
واتساب
عجبى
عجبى على الليل وآخره
مين يا ليل سهرك لوحده
مين يا ليل غنى فى هواك
ومين بيرسم فيك دموعه
ومين عداك
مين بيعشق فيك نجوم
يسهر ويشكى ليك هموم
تحزن معاه ويحزن معاك
مين ياليل غنى فى هواك
ومين أذاك
مين بيكره فيك سكون
ومين بيرمى عليك شجون
وأنت يا ليل صعبان عليك
غير بكاه كله يهون
مين تكون أنت عياه
وفين دواه
مين ياليل حبك وغنى
فيك سنين
وسهرك وقال
الليل ده جنة وفيه حنين
ومين ياليل سهران بيبكى
علشان يتوب
راجى الإله إنه يسامحه
من الذنوب
خليك يا ليل على قد وعدك
عمرك فى يوم
هتبات يا ليل سهران لوحدك
د.آلاء عزت عبد الحميد تكتب: عجبى على الليل وآخره
الأحد، 29 أغسطس 2010 11:25 ص
