ممكن نصحى.. كلمتين بنسمعهم كتير لكن إيه الجديد؟
الجديد إننا كل مرة بنسمعهم بيكون من الطرف أو الشخص الأكبر أو الأعلى مكانة أو الأعقل أو ممكن نقول الأب لما بيقول لأولاده ممكن نصحى أو القائد لما بيقولها لجنوده أو المدير لما بيقولها لموظفيه أو الملك ولا الرئيس ولا الحكومة لما تقولها للشعب.. ممكن نصحى ده هو الطبيعى.. مش جديد.
الجديد إن الطرف الثانى (الأولاد أو الجنود أو الموظفين أو الشعب) هما اللى بيقولوها.
الأولاد بيقولوا لأبوهم ممكن نصحى.. وتعدل شوية بين أبناءك مينفعش يكون واحد بيلعب بالفلوس وواحد مش لاقى يأكل.
الجنود بيقولوا للقائد بتاعهم ممكن نصحى.. العدو مش فى الخارج بس لكن ده بقى مننا وعلينا.
الموظفين بيقولوا للمدير بتاعهم ممكن نصحى.. كفاية اللى بيحصل ده حرام.
الشعب بيقول للحكومة ممكن نصحى.. الفساد انتشر والأسعار ارتفعت والشوارع امتلأت باللصوص والبلطجية ونفسنا نقول رأينا بصراحة وبنحلم بعيشة محترمة زى خلق الله ونفسنا نقول آه آه آه بس للأسف محدش بيسمعنا.
امتى هنصحى؟
هو لازم نصحى على كارثة تفوقنا؟
ممكن نصحى يوم ونلاقى بلدنا زى مبنحلم بيها؟
ممكن نصحى يوم ونلاقى قانون (سارى المفعول على الجميع) ويحقق كل أمانينا.
الكلام اللى فات كلنا بنقوله
أنا وأنتم والناس اللى فى الشارع
لكن أنا نفسى أقولكم حاجة
الحل فى إيدينا إحنا كشعب
يا ريت نصحى كلنا
كل واحد يشوف مطلوب منه إيه ويعمله بما يرضى الله
الكل بيرمى على كله
إحنا مش غلطانين دى الحكومة اللى غلطانة
الحكومة مظلومة الشعب هو اللى غلطان
مين غلطان ده مش مهم
المهم إننا كلنا نصحى ونفوق
أنا هقول للجميع.. من أعمالكم سلط عليكم
ممكن نصحى
البلد بتضيع
أصبحنا فى قاع الأمم
عايزين يحصل إيه تانى أكتر من اللى إحنا فيه
الحمد لله على كل حاجة لكن مصر عمرها ما كانت كده
ندعى ربنا كلنا يفرج عنا ويفك كربنا ويوفقنا إلى ما يحبه ويرضاه
ندعى ربنا ونقول يا رب مصر ترجع
ندعى ربنا ونقول يا رب نصحى
رحمتك يا أرحم الراحمين
صورة أرشيفية
مشاركة
اضف تعليقاً واقرأ تعليقات القراء
مشاركة
