فيسبوك
واتساب
وأرجع تانى
ولآخر دور أوعيك
حصانك الحلاوة
نمل الشتا بناه بيوت وجناين
أنا دايرة البلاد عليك حفا
وأدى عمرى تحت أقدامى هاين
بلدك بعيدة
والليل ف نص الطريق
قيد جمالى
فرد الحمام ف الغية كلها الحنين
جرجرنى الشوق ورا خطاك
ورمانى..
جواباتك ع ضهرى مشدودة
ولا الكرابيج
طالعين نازلين
يا واخد العامل بعميله
ما جانى قلب أخد طيرك بذنبك
ده يوماتى أشق عليه وأغنيله
انسل ع أقدامه توبى
وأفوته يطير لعندك
وف ليالى أمشير
فت أطرك للريح ما جابك
لا قدرت أسمى وأحل دم الطير
ولا قلبى قام ف ايدى
وفات أعتابك
ومهما أحكيلك يا كاوينى
مش زى ما أبكى أبدا ف أحضانك..
صورة أرشيفية
