فيسبوك
واتساب
الميكروباص عامل إزعاج
بيقف على كيفه حسب المزاج
ساعات بيمشى مستقيم
وكتير بيعمل زجزاج
الميكروباص ماشى من غير خطة
بيقف على كيفه ف أى حتة
يكونش فاكر نفسه بسكلته
متأجرة من 5 ل 6
الميكروباص على طول زحمة
وكأن على بابه بيوزعوا لحمة
ولو كنت لا بس هدوم فاتحة
على ما تركب تلاقيها فحمة
الميكروباص من غير باب
وماشى يوقع ف الركاب
وشكمانة بيطلع هباب
وكأنه بيشوى كباب
الميكروباص لو شاف ظابط
بيجرى بسرعة ويروح خابط
ولو حتة فيك اتصابت
طلع شاش وروح رابط
