رمضان بالمصرى فانوس وياميش
والزينة ألوان كرانيش كرانيش
ومسحراتى عامل درويش
وسحورنا مدمس أبو تحابيش
يا بويا هاتلى فانوس
إياك تقول مامعيش
وياما فُكى الكيس
ده مش وقت التحويش
عيال بتضرب مدفع
وكأنهم فى الجيش
بالذِكر صوته يلعلع
مجذوب ولابس خيش
من أول ليلة وفجر
أحفظ أدان الديك
حين سمعو صوت الذِكر
أباليس قالت يا فكيك
فى العشا والفجر
فاكر زحمة جوامع
وساعة المغربية
فاكر سكوت الشوارع
فاكر نفسى زمان
بفانوس جانا رمضان
فاكر طعم الصيام
وموائد الرحمن
رمضان أيام جميلة
بسرعة تفوت وتعدى
بركة فى كل مكان
وخير فى بيتى ويَدى
وبعد كحك العيد
أشتاق لكٌنافة بلدى
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة