رامى محمد زين يكتب: قولت أدخل ثانوية

نجحت فى تالته أعدادى ... وقلت أدخل ثانوية ... وأجيب مجموع مش عادى .... وأدخل أعلى

كلية... وف أول سنة ليا فى الثانوية ... جابولى ورقة تنسيق اختيارية ... بتقولى علمى ولا أدبى..

ياريت تحدد ميولك العلمية ... قمت اختارت علمى... وقلت ما بدهاش... يا إما أحقق حلمى ...

يا إما أروح بلاش ... وابتديت دروس خصوصية ... والدفع طبعا كاش ... وقلت يا هندسة

يا طب... يا إما أسرح أبيع لب... ومن يومها شلت المسئولية ... وقلت مش هدخل أى كلية ...

ويوم اللجنة الصبح صحيت بدرى ...ورحت الامتحان وأنا نشيط بجرى ...

دخلت اللجنه وأنا بنهج ... لقيت الامتحان من بره المنهج ...ويوم نتيجة الثانوية ....لقيت مجموعى

ميدخلنيش كلية ... قلت كده يا ثانوية تعمليها فيا ... ده أنتى فعلا مفترية...ضيعتى الأحلام الوردية

وخلتيها سراب...و تنسيقى دخلنى الإصلاحية وكمان انتساب.