معتمد على يكتب: هنا الروح

بعد السحور قلبى مسحور
فيه طاقة نور مليانى
آن الأوان احتج وأثور
على دنيا ولذة شغلانى
الروح هناها فى الطاعة
فى بيت الله شِفا ومناعة
للى تاه فى سكته
بين الصفوف ناس بتدمع
وسبحة ضرير بتتجمّع
لمها طفل شاف أزمته
بلت دموعه لحيته
وقال يارب مانتحرم
من ضى قلب حقانى
.....
الجد مالى البيت عِطره
قعّد حفيده على حِجره
يحفظه ف أول آيه
وشاب من عيلة صالحة
قبل الفطار إدانى بلحة
ذكرت اسمه فى دعايا
ميسور الحال رق قلبه
وزع من فضل ربه
على المساكين والفقرا
صحاب فى البر يتنافسوا
ختموا الكتاب واتعاهدوا
ليهم كمان ختمة بكرة

فيه ريحة مِسك فى ايديا
ياهل ترى منين جاية؟!
على كل حال قلبى انشرح
فى الشهر دا عباد مخلصة
ياما غيرت فيهم عظة
وكم عاصى حاله انصلح
بلت دموعه لحيته
وقال يارب مانتحرم
من ضى قلب حقانى