هناء المداح تكتب: رايحين على فين؟!

رايحين على فين؟... وطريقنا منين؟... ديماً تايهين عن سكتنا

هنعدّى يمين؟.. ولاّ هنفضل ماشيين.. فى طريق مجهول بيشتتنا؟!

شايفين الويل.. وهو طال الليل.. ولإمتى الخوف هيسكتنا؟

العيشة مرار.. والعقل احتار.. إحساس بيؤكد غربتنا

مشاكلنا كتييير.. والوضع خطير... ولا حد بيسمع شكوتنا!

ع البلا صابرين.. محناش قادرين.. أوجاع وآلام آهى هدتنا

أحلام بتروح.. أحزان بتفوح.. فينها الأفراح ليه خاصمتنا؟!

أسوار مبنية.. وآمال مطوية.. سدّلنا طريقنا ومنعتنا!

حركتنا بطيئة.. أفكارنا جريئة.. فينا ناس بتأخر خطوتنا

نفسها تبعدنا.. تخفينا توأدنا.. بإديها بتقرّب نهايتنا

رايحين على فين؟.. وطريقنا منين؟.. السكة طويلة وتعبتنا!