فيسبوك
واتساب
كل شىء أصبح مباح
صوت القطط يزعق نباح
مافيش ضوابط أو حدود
مافيش موانع أو سدود
الضمير مكسورجناح
تاه فى الحياة
مش عارف يرجع أو يعود
يصرخ ينادى مافيش ردود
والشرف صار مستباح
الكل ماشى عليه يدوس
حتى النفوس
سلعة تتباع بالفلوس
وكل ما تفتش تشوف
دمعة فوق وش الخروف
مرسوم عليه هم السنين
تقرا فى عنيه كل الجراح
يرقرق الدمع ف عنيك
تسأله يجاوب عليك
تسأله إيه إللى فيك
يدى الإجابة بصوت حزين
رغم البراح
عمره ماشاف انشراح
بيحسد أخوه إللى اندبح
مات واستراح
ودع حياة ودع بشر
كل الفساد إللى انتشر
والضمير إللى اندثر
والورود بقى لونها سود
والدنيا صارت زى غابة
الضعيف فقد إرتياح
القوى بيهوى إجتياح
من غير كسوف
تحت مبدا
كل شئ أصبح مباح
