الله على أيامك ياسى رمضان
والناس اللى فى الشوارع رايقه
وفرحانه وبترحب بيك
وست الستات فى المطبخ
بتجهز لفطار أول يوم
وطبعا من فترة وهى بتجهز ليك
ومصر البهية
رجعت صبية
على الأقل فى عنينا
لكن فى الواقع لسه زى ماهى
لسه غضبانة علينا
ولسانا غضبانين عليها
وزى كل عام وربنا مايقطع عادة
لسه الخير برغم اللى حاصل
لسه الخير بسببنا ماليها
وأدام لسه فى ناس بتقدر تعيش برغم كل الإحباط اللى فيها
ولسه فى ناس بتقدر قبل الغلط تلحق نفسيها
وتقول اللهم إننا صائمون
ولسه الشيخ سيد بيفوت على البيوت ويقول اصحوا يا نايمين
والجد لساه بيحضر حلقة ذكر الشيخ ياسين
وكمان لسه الصحاب فى رحاب الحسين سهرانين
يبقى كل سنة وأنتم طيبين
ورمضان كريم
مشاركة
اضف تعليقاً واقرأ تعليقات القراء
مشاركة
