راجل عمره يا سيدى ستين
ماتت مراته سابته حزين
عاش الوحدة دموع وأنين
قال هتجوز ألقى حنين
لف الدنيا شمال ويمين
لقى بنوتة سنها عشرين
تجاهل كل قانون الدين
إنى اللعبة مش متكافئة
وسنين العمر لازم تتعد
بعد الدخلة يادوب شهرين
عايز يطير محتاج جناحين
بس العمر يجيبه منين
مش عارف حتى شبابه فين
وخيبته ماوردت يوم على حد
تأكد إن الوقت الضايع
والعصر الذهبى حلم اتهد
بص على البنوتة بحسرة
شاف حرمان بيملا العين
قال ليه أظلم وردة بريئة
وبشرع الله بكلمة جريئة
اطلق ليها سراح اليد
ليه بنخدع روحنا نماطل
بدل الصح بنمسك باطل
ننسى إنى العمر مراحل
بعد الموج بنوصل ساحل
واحنا بنبقى زهور وربيع
وطريق العمر معانا ممتد
لما سنين العمر تعدى
بستان الخضرة بيصبح قاحل
وإنى العود إللى ف يوم جف
مش ممكن تانى يرجع زين
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة