اديتك صوتى وقلت.. خلاص صبرت ونُولت.. ده اللى أنا كنت عايزه.. وأحلامى خلاص أنا طولت.. أتاريك لابس وش.. كله غش فى غش.. وكل يوم تصاريح فى الصحف.. وكمان على الدش.. ويوم ما أجيلك أشكى ماشوفش منك وش.. هو أنت اللى أنا اخترته.. ولا أنت حد تانى.. أمنتك على مصالحى.. أتاريك إنسان أنانى.. شايفنى كل يوم واقف على الرصيف.. مليان بالهموم مش لاقى حق رغيف.. لا بتيجى تسأل مالك ولا إيه اللى دهور حالك.. آه لو تحط نفسك مكانى.. وتحس ساعة بآلامى.. وتعرف إن وعدك ليا دين.. فى رقبتك لو رحت فين.. كفياك كلام فى كلام.. وشعارات مليانة أوهام.. ولا حاجة بتتحرك.. ولا طلعنا خطوه قدام.. صحيح نسيت أسألك.. كيلو اللحمة وصل كام.
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة