خفاش..عاشق للضلمة
لو صبحت نور.. ميعشهاش
عصفور..شاطط م العتمة
لو فضلت كاتمة.. ميطقهاش
خفاش.. دايما مسعور
غارس نابه ف أهل البيت
راشق سمه ف عين النور
سارق لحمة وسمنة وزيت
حابس الشمس ف كهف الخوف
ولا فيش عصفور.. حلق أو طار
وفك الحبسة.. وعلن الشوف
وعزف الصبح.. على الأوتار
خفاش .. عاشق للضلمة
لو صبحت نور.. ميعشهاش
عصفور.. شاطط م العتمة
لو فضلت كاتمة.. ميطقهاش
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة