قالو من سن القلم
تتغير الأمه
وقالو من اجتماع
قمة تحلى اللمة
أنا قولت مش معقول
من كلمة وقمة
تتجمع الأمة
ما ياما كلمة
وياما قمة
ده الأمة
كلها مش ناصحة
إلا فى الكلمة
وياما قمة
هبطت همة
جدى قاللى
تقدر ياواد
تشرب من القلة
وتفكر ازاى
قدر الفخار
يشيل مية
تعرف صانع القلة
راجل بسيط
بس اشتغلها بزمة
أما عن الأمة
دى خنعت خلاص
بركت من الحمى
والحمى ده مرض
بيسخن الجسم
ويهبط الهمة
أيوه مش معدى
لكنه صاب أمة
الحمى دى الحكام
فيروس خلاص صابنا
حملان على عدونا
أسود على شعوبنا
الكرسى هو الآس
وولادنا رقم مية
وإن ماتوا مش مشكلة
ما دام فدا حكامنا
الوحدة مش طبعنا
تقدر تقول وحدة
يقولو عليك مجنون
وكاره الجنة
الجنة للحكام
عتبتها لسيادنا
وأسيادنا المصلحة
دايما فى فرقتنا
فينك يا شمس العرب
غايبة كتير عنا
ولا هاتنسى كمان
تنورى قلوبنا
أخاف لا بكره يكون
برضو نهاره ضلمة
ضلمة
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة