وديع العلاوى يكتب: كان شاباً وسيماً

بنحس بخوف بيرعشنا
وبنكابر وبننفش ريشنا
أغلب م الغلب بقينا
ومفيش ولا قلب محتوينا
أغراب فى بلدنا
ذاللنا عِشنا

بنتعلم إزاى نتأقلم مع موتنا
وإن موتنا بيفرحوا بسكوتنا
وإن عِشنا بنقابل الضرب
بريشنا

كان شابا وسيما وجميل قوى
القلب أخضر والعضم طرى
بحذائه كسره العسكرى
الجندى أفندى دشدشنا

مستنياه أمه طبخاله غداه
وإحساس بفراقه مخبياه
مجاش ولا هف عليهاهواه
وغيابه كان مواغوشنا

سألنا عليه قالولنا ليه
امشوا يلا يا أولاد الأيه
بالعافية وصلنا إليه
لا الأم عرفته ولا الوالد
معقولة معقولة دا خالد
بالعافية اتعرفنا عليه
الرمش مش زى رموشنا
والوش مش شكل وشوشنا
للدرجة دى اتغير خالد؟
كان بحلم يكبر فى هوانا
ع الشط ياما نط معانا
فى البحر الطيب ويانا
والبحر ياما ياما ادانا
ولايوم فتشنا ولا أشئشنا