ياله يا جدعان
فتح المزاد
حسب الميعاد
واللى دفع
تأمين
يجيى على
اليمين
أيوه هنا
كل البضاعة
عبارة
عن أشخاص
والتسليم
بعد المزاد
فى أنشاص
أول عرض
دا رجل صلب
طول وعرض
الاسم سعد
والأب كان مظلوم
وخلف سعد أبوه
فى الظلم
مين يشترى
مظلوم
تانى عرض
أرملة بولادها
أو من غير
الهم صابها
بعد وفات الزوج
يعنى
م الآخر
ما تنفع
إلا للنوح
وياله يا جدعان
تعال شوف
معانا كمان
ست ولاد
من غير أب
ولا أم
أصل الرب
اختارهم
أكبر
ما فيهم يدوب
عشر سنين
ما هم
أتنين توأم
بأربعة والباقى
جم فردانى
مين يشترى
ولاد
ما فيهم
غير الدمع
والهم
يتامى
مجروحين
وياله يا جدعان
ودى فرصة
واصلة من بره
لسه فى الحال
عروسة لابسه
الطرحة والفستان
لكن دموعها دم
من اللى حصل
وده كلام ما يتقال
وياله يا جدعان
قلب طيب
حد قال بيكام
وقلب طرمبه
صينى محتاج
لعمرة كمان
وياله يا جدعان
وأحلى بيعة
بديعة
دى كانت
رقاصة
وكبرت بالعمر
بتشتكى
من المفاصل
والآلام الضهر
مين يشترى
رقاصة
عندها م العمر
62 مين يشترى
حد قال بـ 30
طب بـ20
بيعه خسرانه
دى كانت
الهزة منها
تخرب بيوت
ياما
وتخلى أبو
نبوت
يبقى شهيد
الهز
وياله يا جدعان
أمشو خلاص
أصل
المزاد خسران
خسران
وفولوس التأمين
تبقى على
صاحب الإعلان
وياله يا جدعان
صورة أرشيفية
مشاركة
اضف تعليقاً واقرأ تعليقات القراء
مشاركة
