فيسبوك
واتساب
مصر هى أمى و لا أمى هى مصر؟ ولا هى مصر أمى؟
لو كانت مصر أمى مكنش يبقى همى
انى أسأل السؤال
عايز إجابة ليه عشان اعرف انا لية و بعمل هنا ايه
هو انا ليا دور أو ليا إنى أقول
اقول بأعلى صوت وأدور على الوعود
وعود بحياة كريمة وعود ملهاش حدود
أدور على الحقيقة فى كومة من الجمود
ألاقى ورقة سودا محفور عليها اسمى و جنبه إنى مصرى
لكن ارجع تانى وأسأل
مصر هى أمى؟ و لا أمى هى مصر؟ ولا هى مصر أمى؟
