محمد عفيفى يكتب: مصر بطلة العالم 2010 والدليل أهه

أقولها بكل صدق إن مصر هبة النيل، فهى بطلة العالم لكرة القدم وكيف لا تكون كذلك وهى أول دوله أفريقية تنضم للفيفا وأول دوله تصل كأس العالم (1934)، ولكنها هى بطلة العالم الحقيقية فى التخلف الكروى من كل الأوجه.

أولا
الحمد لله أننا الدولة الوحيدة فى العالم التى يحدث فيها مدابح انتخابية على اتحاد الكرة مع أن العمل فى الاتحاد تطوعى من غير فلوس يعنى ولكن سبحان الله تجد المرشحين بيستقلوا على هذا العمل ويدفعوا نقودا من جيبهم الخاص ويسخر كل واحد من المنافس مع أن المفروض أنهم ناس كبيرة وقدوة على الأقل لناشئى الكرة وسبحان الله تلاقى كل واحد بيتكلم عن درايته باللوائح الفيفا، وكأنه كان قاعدا مع اللى وضعوها وعن فكرة الإدارى والاستثمارى وكأنه دكتور إدارة.

وبعد تخليص الانتخابات تلاقى الخسران يجرى يرفع قضية والكسبان يجرى للقنوات الفضائية يقلب عيشه يعنى يشتغل كده على حسب لون فصه (محلل- مقدم برامج- مصدر ) وأهو كله بثوابه.

ولاحد طلع انتقد ذلك يقولك إن عمله للاتحاد تطوعى وإن الشغل فى الإعلام ده أكل عيش.

ثانيا:
مصر بطلة العالم 2010 فى التخلف الكروى، الدولة الوحيدة فى العالم اللى عندها نظام احتراف على كل لون، فمنذ 20 عاما وإحنا عندنا مشاكل وفضايح كل انتقالات والسبب أن أساتذة المعرفة باللوايح الفيفا الحمد لله لا يفقهون ولا يعرفون أى شىء عن الفيفا ولوايحه راجع معى حالات ( الحضرى – حسنى عبد ربه- شيكابلا….الخ) وأخيرا جدو.

ثالثا
إدارة الأزمات كل مرة تحصل أزمة صغيرة نغرق فى شبر ميه ولو فى أقل من الشبر زى نقطه، مثلا لكننا غرقنا فيه مع إن السادة أعضاء الاتحاد أيام الحرب (الانتخابات) استعرضوا خبرتهم علينا وكأن أقل واحد منهم اشطر من روراوة أيوه وأنا هنا أقولها بكل صدق بعيدا عن سلوكه ولكنه راجل عارف هو بيعمل أيه وافتكروا معى كل أحداث التصفيات الأخيرة.

رابعا: اللاعبون
ما شاء الله إحنا عندنا بقا اللاعيبة دول ولا تقوللى ميسى ولا حتى زيدان ليه لأن اللاعيبة فى العالم كله عندها شغلانه وحده وهى الكورة، لكن إحنا بقا عندنا اللاعيبة شغلتها تلم فلوس وبس وكأن الواحد فيهم مخلوق علشان يلم فلوس وبس طيب يابنى ماتلعب الأول وبعدين تأخذ ولكن الرجاله عندنا نظام واحد.

(ابجنى تجدنى) وده عن الفلوس أما عن الطموح، فحدث ولا حرج تلاقى الواحد منهم بيحلم يلعب فى الأهلى والزمالك بس طيب يا بنى متحترف يقلك ماهنا كويس وحتى لو احتراف يروح هناك يكتشف أن مستواه تعبان

وحتى لو مشيت معاه وجاب جونين يفتح صدره ويحسسك أنه دروجبا ويبتدى يتنطط وينفخ نفسه، ولكن على مين، بره الناس عندها نظام وبس.
شفت ازاى أننا بطل العالم.