فيسبوك
واتساب
ليه تستسلم ؟ ليه تنهار؟ تنهى العمر ف عزخضار
مهما الدنيا ياسيدى اسودت خلـِّى معاك الصبر شعار
لو عسر هيبقى اليسر معاه لحظة يأسك فيها دمـــار
خلـِّى الحلم جميل قدامـك بذور الفرحة تجيب أشجار
خلـِّى الأمل ف كل طريقك هيشق ف كل جفاف أنهار
أوعى تقوللى ظروفى صعبة اصبرتلقى الشوك أزهار
لو عدت غيمة قاسية عليك إياك تهرب منها فـــرار
لسة الدنيا مليانة خيــــــر مهما زاد عدد الأشرار
لمَّا بإيدك تنهى حياتـــك غضب المولى عليك والنار
كل حياتك دية أمانـــــــة ونصيبنا محدش ليه اختار
بعزيمة قوية وكل إرادة حزنك حطم ليه أســوار
مش عيب تفشل حاول تانى دا العيب لما نتوه نحتـار
قناديل فرحك تمسح حزنك واطفى ليأسك أى شـرار
مهما الشمس تغيب راح تطلع وبعد الضلمة هيجى نهار
مهما الدنيا تضيق ف وشك قول يارب هتبقى عمـار
