كان الظلم فى مصر شديد قامت ثورة بفكر جديد
قالوا هنحقق أهداف ستــة إقطاع ننهى تمام ونبيد
كله ينول من خير بــلاده فلاح يزرع يجنـى بإيد
ورأس المال يتحول طاقة يخدم وطن شموع بتقيد
ونبنى جيش يصون كرامتنا يصنع مجد كمان ويعيد
ونقضى بإيدنا على استعمار ونعيش بعزة شعب مجيد
وعدالة تسود فى كل مكان شرق وغرب ودلتا صعيد
وشعبنا يحكم نفسه بنفسه حكم مثالى شورى رشيد
ثورة جا ت فى وقت مناسب فتحت عصروصارت عيد
خلـِّت حلم عروبة يعود وحدتنا كانت حلم بعيــد
مدت إيد لشعوب أفريقيا صنعت جيل حرية فريد
ثورة مسحت دمع الحزن كسرت خوف ويأس عنيد
تلاتة وعشرين يوليو ذكرى بتقول إدوا مصر مزيد
مصر أمانة وأرض كنانة محتاجة جهود من كل وليد
لازم نكمل فى المشــــوار نستصلح أرض إنتاجنا يزيد
نمحى جهل نزيل أميـــة نبنى بهمة وعزم حديد
عملنا كتير ولسه معانــــا مشاريع تتحق فى المواعيد
مصر علمها يرفرف عالى فى كل مناسبة وعهد سعيد
مصر تنادى عايزه ولادى تلبس مصرى ومش تقليــد
سهرانة تنتج تصنع تزرع يبقى ليها أجر شهيــــــد
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة